|
Katamaranen "Flotta Lass" klar for levering |
 Måløy Verft AS har klart å halde fristane under bygginga av sin andre katamaran. Onsdag vart "Flotta Lass" sjøsett og etter planen skal båten over til Orknøyane neste fredag.
Sidan tidleg i februar har det vore hektisk aktivitet rundt skroget i hallen på Måløy Verft AS. I avtala som er inngått med reiarlaget vart 26. oktober sett som dato for overlevering. - Det skal vi klare med god margin, seier dagleg leiar Evald Bortne. For no er den vel 22 meter lange og 7,6 meter breie båten komen ut av verftshallen og onsdag vart den sett på sjøen.
Dette er den andre båten Måløy Verft AS byggjer av same type, og det er i følgje Bortne forklaringa på at det har gått så fort. - Den forrige båten vi bygde heiter "Fjord Ålesund" så vi har ei viss erfaring og slapp å starte heilt frå nytt, seier Bortne.
|
|
|
